SAPS foter

Luitenant-generaal Khomotso Phahlane is uit sy waarnemende pos as Nasionale Suid-Afrikaanse Polisiekommissaris verwyder. Dít teen die agtergrond van die destydse Nasionale Polisiekommissaris, Riah Phiyega, wat steeds geskors is weens haar rol in die Marikana-moorde van stakende mynwerkers. Sal ons waag om die nasie daaraan te herinner dat daar nog nie ‘n individu was wat sy of haar termyn as die hoof van die Suid-Afrikaanse Polisiediens voltooi het nie? Suid-Afrikaners is moeg van daaglikse onthullings van korrupsie, onbevoegdheid en ‘n Staat wat klaarblyklik vasberade is om af te dwaal van sy weg van grondwetlike demokrasie.

Die SAPD se leierskapsprobleme vind plaas in ‘n land wat deurloop onder geweldsmisdaad en byna daaglikse protesaksie, wat dikwels gewelddadig raak. Die statistieke vir die eerste drie kwartale van die jaar 2016/17 wat onlangs bekend gemaak is, dui op misdaadvlakke wat onaanvaarbaar hoog is. Statistiek SA se Victims of Crime Survey dui voorts op ‘n afname in die getal mense wat misdaad by die SAPD aanmeld, ‘n aanduiding dat hulle vertroue verloor het in openbare instellings, wat die verhouding tussen die nasie en sy burgers weerspieël.

Daar moet op gewys word dat dit die President is wat baie van die hoofde van staatsinstellings aanstel. Dit is dieselfde President met aanklagte van korrupsie teen hom wat terug datteer tot 2004, en wat meer onlangs prominent na verwys is in die State of Capture-verslag wat laat in 2016 deur die Openbare Beskermer bekendgestel is. Die algemene leierskapsprobleme wat regoor staatsinstellings versprei, word ongetwyfeld aangevuur deur die gebrek aan politieke leierskap, wat die nasie rigtingloos en moeg laat, met graderingsagentskappe, internasionale beleggers en meer belangrik, die kiesers, wat in afwagting wag. 

Deur me Phephelaphi Dube: Direkteur, Sentrum vir Grondwetlike Regte

grond & eiendom

FW de Klerk Stigting

Die Sentrum vir Grondwetlike Regte (SGR) is ’n eenheid van die FW de Klerk Stigting.

FW de Klerk Stigting

Top Bedreigings teen die Grondwet

Menseregteverslagkaart

Maak 'n skenking

Help ons om die Grondwet te handhaaf en te bevorder.

cfcr-donate

Kliek Hier